"Mange av Lanzarotes best besøkte turistattraksjoner er like i nærheten. Nærmeste nabo til ferieanlegget er den store kaktusparken med over 10 000 kaktuser. "

Eg syns det er rart at denne artikkelen ikkje drøftar eventuelle problem som kan oppstå med å plassere ein nudistkoloni attmed ti tusen kaktusar. Dette er slett journalistikk - eg vil sjå blod.

Han hata "hei." Det symboliserte alt han meinte var gale med verda. Kvifor skulle nesten-framande menneske tvingast til å interaktere med kvarandre berre fordi ein felles oppdragsgjevar gav dei lønn? Desse menneska tydde mindre enn drit for han, og om dei alle døydde i morgon ville det ikkje ha anna påverknad på han enn at han måtte pugge ei rekkje nye namn og klistre dei på tilhøyrande fjes.

Men "hei" heldt fram same kor mykje han ikkje ynskja det. Viss han ein dag stogga å svare dei ville dei sjå på han som eit utskot. Eit motbydeleg avskum som ikkje var verdig å vandre side om side med dei i livets lange og keisame korridor. Sjølvsagt, han var eit utskot, men det var ingen grunn til å gå rundt og kringkaste det til folk.

I alle fall ikkje endå. Ikkje før den store dagen kom. Når folk i horisonten kunne høyre lyden av ein kontinuerleg straum av AK-47 skot og nyheitsmedia kom rasande mot åstaden medan dei blokkerte trafikken for ambulansar og politi. Når det siste skotet fall og gjorde slutt på den tilværa han til no hadde åla seg gjennom, så var målet hans nådd: Dei pårørande. Media. Politiet. Ambulansepersonellet. Vitne. Ingen av dei som stod tause og måpte i retning av åstaden ville finne på å seie noko så upassande som "hei."

I seine nattetimar kunne ein høyre jazzen frå ein heimlaus mann. Ikkje fordi han ville, men fordi han måtte.

Vi oppfordrar kven som helst til å søke, men det er ein fordel om søkaren er anten kvinne, homofil, transseksuell eller i det minste har hatt seksuelle fantasiar om bestekompisen sin fire-fem gonger .

Søkjaren bør anten vere synshemma, røyrslehemma, psykisk utviklingshemma, psykopat eller ha kroniske ikkje-diagnoserbare smerter i tre ledd eller fleire. Han, ho eller det bør vere over to meter høg, lågere enn ein meter, vege meir enn 150 kg eller mindre enn 50 kg.

Det er og bra dersom vedkommande er same, av afrikansk opprinning, av asiatisk slektskap, av sveitsisk statsborgerskap eller har vore over svenskegrensa tre gonger eller meir.

Søkjaren bør gjerne vere muslim, russisk-ortodoks, buddhist, scientolog, fundamentalistisk islamist, ateist eller nudist.

Fagkunnskapar er ein fordel, men ikkje påkrevd.

Vitj hovudsida for spannande opplevingar

Gje Kudos!

Herr Kuk bur på kroppen min. Han er ein leigetakar om du vil, sjølv om fordelane han kan tilskrivast ikkje er openbare eller lette å skildre. Han betalar vel helst i å berike erfaringane mine heller enn i hard valuta - sjølv om han kanskje er den fyrste til å hevde at gitt riktig yrke kunne han ha skaffa klingande mynt gjennom sine ymse prestasjonar.

Herr Kuk krev oppmerksemd frå meg, hans husvert, frå tid til anna. Ofte, faktisk. Omtrent alltid, om ein skal vere nøyaktig. Gjerne i større grad når eg er berusa, og i mindre grad når eg er tilstrekkeleg berusa.

Herr kuk kan krevje å bli lagt merke til på tidspunkt ein ikkje skulle tru at han har noko å bidra med. Av og til når eg sit i undervisningssituasjonar eller andre keisame tilstelningar, vil herr Kuk krevje oppmerksemd. Heldigvis er han då påpasseleg nok til å ikkje avbryte direkte - han tek seg bryet med å rekke opp handa. Eller i det minste noko som liknar.

Herr Kuk er oppmerksemdssjuk, kan vi seie. Meir enn det som passar seg i dagens samfunn. Heldigvis veit han å halde seg innforbi lukka dører mesteparten av tida, og sjeldan bryt han seg ut derifrå utan mitt samtykke.

Det er ikkje å seie han er ein slags kriminell - han er berre ei einsretta og til tider misforstått sjel i eit samfunn som ikkje set pris på nærhet og inimitet i like stor grad som han. Det har gjort han bitter. Du må passe deg for herr Kuk, elles spyttar han på deg.

Så om ein berre kan ta desse små omsyna, og ha litt takhøgd når ein er omkring herr Kuk, vil eg hevde at sameksistens og trivsel ikkje skal vere umogleg å oppnå. Det er ikkje mykje korkje eg eller herr Kuk ber om, og vi er dei fyrste til å ta liknande omsyn til andre."

"Og det er grunnen til at du går rundt i parken og blottar deg?"

"Nøyaktig."

Vitj hovudsida for spannande opplevingar

Gje Kudos!

Bakgrunnen for denne provokasjonen var ein seanse meg og min medredaktør deltok på under alternativmessa i Bergen. Eg kan skrive sider om alle dei ulike tinga ein blir pusha på slike stader. Alt frå ørelys til bievokskrem som skal kurere slappe bryst. Noko eg antaglegvis kjem til å gjere.

Men høgdepunktet på messa var sjølvsagt dei synske. Spreidd utover heile lokalet klare til å ta i mot pengar for å fortelje deg ting du allereie veit. Sjølv om det kunne vere artig å ha seg tjue minutt one-on-one med ein av desse, så føler eg at å betale 400 kroner for å krangle med desillusjonerte folk er ein handel eg berre kan tape på.

Det var difor vi i staden bestemte oss for å delta på ein seanse. Eit arrangement som består av at den synske står framfor ei forsamling og kjem med generelle påstandar om daude folk fram til ein i publikum biter på. Deretter vil den synske kome med stadig meir konkrete påstandar om familien til offeret fram til ho har overtydd forsamlinga om at ho har kontakt med dei daude. Eller det er i det minste slike ein gjer det dersom ein har peiling på kva ein driver med. Rett nok, vi betalte berre hundre kroner for å kome inn på messa, men vi bør då kunne forlange cold reading av ein viss kvalitet?

Cold readeren, eller den synske om du ynskjer å tru på det, starta med å fortelje om personen ho hadde kontakt med. Det var ein gammal mann. Faren til nokon. Han hadde døydd på eit eller anna tidspunkt. Han var ein mann som likte å ha orden på økonomien. Alt dette er gode påstandar, fordi dei er såpass generelle at dei kan handle om faren til kven som helst. Og etter ei stund fekk ho napp på ei kvinne i femtiårsalderen som satt bakrast i forsamlinga. Ho hadde hatt ein far, som no var daud. Det bør nemnast at ho bomma på minst fem eller seks påstandar før ho kom fram til denne personen.

Etter dette byrja ho å pushe på med at den daude faren foralde at kvinna (frå no av offeret) hadde hatt mykje uhell med menn. Det nikka ho til. Videre fortalde ho at ungane hennar holdt på å flytte ut. Det hjalp antaglegvis at den nokon-og-tjue år gamle sonen sat ved sida av offeret. Deretter starta ho å veldig agressivt påstå at offeret ville vere meir heldig med menn framover, og at ein ho ville møte eller nettopp hadde møtt ville gjere ho lukkeleg.

No byrja offeret å verte mindre sikker på at den synke hadde peiling. Ho kunne ikkje skjønne kven dette kunne vere, og ho forstod ikkje kva den synske kunne meine. Etter ein del fram og tilbake kom det fram at offeret var lykkeleg gift med same mann i tjue år. Meg, min medredaktør og ein fyr som satt rett framfor oss måtte verkeleg tvinge oss sjølv til å halde latteren inne, utan at eg skal påstå nokon av oss lukkast særskild godt.

Den seansen enda kjapt. Neste var av ein anna cold reader, som var i stand til å vere nøyaktig så generell at ho unngjekk dei same problema. Ho huka tak i ei kvinne som hadde kjent ei som døydde av kreft. I eit statistisk sannsynleg gjentning, kom ho fram til at det var brystkreft – og deretter kom ho med den sjokkerande påstanden at mannen til den avdaude kvinna antaglegvis var trist. Holy fucking shit. Her snakkar vi om ein ekte synsk.

Deretter kom den siste readingen vi gadd å høyre på. Den fyrste cold readeren stod i ti minutt og ramsa opp dei same genrellitetar om att og om att utan at ein einaste i publikum kunne påstå å vite kven ho snakka om. Ho vart meir og meir frustrert, og gjekk mellom å unnskylde seg til å nærmast anklage publikum for å ikkje vere samarbeidsvillige. Då ho endeleg fekk eit kvartvegs hit, starta ho å bringe opp att dei punkta som ho tidligare hadde bomma på . Og atter ein gong bomma ho fullstendig. Og dette provoserte meg.

Det provoserte meg ikkje fordi kvinna er ein svindlar som lever av å rote opp vonde minner for folk og å øydeleggje dei gode minna ein har om avdaude venner og slekt. Det provoserte meg ikkje fordi ho påstår å ha spesielle evner når alt ho gjer er å bruke enkel cold reading som kven som helst kan greie å gjere ganske overtydande. Nei, det som irriterte meg var at ho ikkje var god til å gjere det. Ho var talentlaus, rett og slett. Eg har meir synskhet i ræva mi enn ho kan påstå å ha vert borti i heile sitt liv.

Når ein driver cold reading er det viktig å snu feiltreffa sine gjennom å ta tak i den mest generelle tråden av kva ein har sagt, og bygge videre på denne. Ein skal ikkje forsøke å tvinge inn ting ein allereie har bomma på.

Viss du til dømes påstår at den avdaude har mørkt hår og likte å røyke, og offeret ditt svarer at den avdaude verkeleg likte å røyke, men var blond. Då skal du ikkje hardnakka hevde at vedkommande var mørkhåra, men i staden sei at det er vanskeleg å sjå klart, og halde fram med å snakke om røykinga. Hosta vedkommande mykje? Hadde vedkommande gule fingrar? Ta tak i dei treffa ein har og bygg videre – ikkje snakk om dei tinga du bommar på . Det vil føre til at publikum vert lite imponerte, og at folk som meg vert pissed off fordi vi ikkje ein gong kan oppleve ein velinformert kvalitetssvindel.

Helvete. Eg betalte pengar for dette. Eg krevjer å få det beste av svindlarar kommande med dei mest generelle av påstandar – og i det minste ha nok respekt for meg som publikum til å lære seg sitt eige jævla yrke betre enn eg.

Etter den andre totalt mislukka opptredenen hadde vi fått nok Vi vandra tilbake til messehallen der vi heldigvis kunne få chakraen vår stemd og løyst opp alle enegriblokkeringar våre. Men det får eg fortelje meir om ein anna gong – no skal eg setje meg tilbake, stappe nokre bambusforma lys inn i øyret og la avfallsstoffa bli rensa frå skjelen min.

Meir info:
Cold Reading (wikipedia)
Penn and teller bullshit - Talking to the dead 1/3 (youtube)

Vitj hovudsida for spannande opplevingar

Gje Kudos!